Иқбол Бобохонов "Машъал" билан икки йиллик шартнома имзолади

"Газчилар" сафида иккита назорат учрашувида майдонга тушган ҳимоячи бугун "Машъал" билан икки йиллик шартномани имзолади.  25 ёшли футболчи ўтган мавсумлар давомида Фарғонанинг "Нефтчи" жамоаси шарафини ҳимоя қилиб келди ва энди кейинги икки мавсумни муборакликлар таркибида ўтказади.

"Машъал"да жамоанинг ғалабаларига ҳисса қўшиш учун келдим.  Албатта,  "Машъал" сафига ўтганимдан мамнунман. Клубда ўз ўринга эга бўлиш учун жуда кўп ишлашим керак. "Машъал"нинг ҳимоя чизиғида кучли рақобат бор шунга қарамай ўзимга ишонаман. Мухлисларни хурсанд қилиш учун ҳар бир учрашувда охиригача ҳаракат қиламан" , - дейди жамоамизнинг янги аъзоси Иқбол Бобохонов.