Иордания U-23 термаси устози Аҳмад Ҳайел: "Дуранг ёмон натижа эмас, аммо биз ғалаба қозонишни истагандик"

Ўйиндан сўнг ўтказилган матбуот анжуманида Иордания U-23 бош мураббийи Аҳмад Ҳайел қайнашди

- Яхши учрашув ўтказдингиз. Ўйин ҳақида фикрларингиз

- Жуда қийин ўйин бўлди. Ҳар бир мусобақа шундай қийин кечади. Бу ўйинда биз барча ишни қилдик. Жуда кўп имкониятларни кўкка совурдик. Дуранг ёмон натижа эмас, аммо биз ғалаба қозонишни истагандик. Олдинда яна иккита ўйин бор. Бу ўйинларда ғалаба қозонишга ҳаракат қиламиз. Кейинги босқичга чиқишни мақсад қилганмиз. Биз ҳаракат қилдик. Аммо жуда кўп вазиятлардан фойдалана олмадик. Ўтказиб юборилган голда хатога йўл қўйдик. Аммо бу футболдаги нормал ҳолат ҳисобланади. Ҳар бир ўйинда етарлича хатолар бўлади. Бу биз учун муаммо эмас. 

- Гурухдаги бошқа рақибларингиз ҳақида нима дея оласиз?

- Ироққа қарши бугун дуранг қайд этдик. Энди кейинги ўйинга эътибор қаратамиз. Қолган икки учрашувда уч очкодан қўлга киритиб, кейинги босқичга йўл олмоқчимиз.

- Ушбу ўйиндан кейин нималарни ўйладингиз. Кейинги режалар...

- Биринчи ўйин бўлганлиги сабаб, ўйинчиларим кўп хато қилишди. Албатта, кейинги икки ўйинда бу хатоларни тузатишга ҳаракат қиламиз. Қувайтга қарши ўйинда уч очко олишни мақсад қилганмиз.