UZ

Сўнгги янгиликлар

01:50Бельгия Руминияни мағлуб этди ва турнирдаги илк ғалабасини қўлга киритди. Гуруҳдагиларнинг барчасида учтадан очко бор  3 01:34Роналду 7та узатма билан Евро тарихидаги энг яхши ассистент бўлди  1 00:54Мбаппе Франциянинг "Падерборн"га қарши машғулот ўйинида ниқобда ҳаракат қилди ва иккита гол урди  3 00:25Евро-2024. Туркия - Португалия 0:3, Турклар кулгили автогол уришди  2 00:05Начо Саудиянинг "Ал Қодисия" клубида тиббий кўрикдан ўтди. "Реал" ҳимоячиси икки йиллик шартнома имзолайди  4 00:04Александр Крестинин: "Динамо"га қарши кечган учрашувдан анча тартибли футбол ўйнадик. Рақиб камроқ хато қилди ва ғалаба қозонди"  2 23:40"Сўғдиёна" жамоаси ёрдамчи мураббийи: "Иван Бошкович таркиб ва тактика танлаб берди. Ёзги трансферлар ойнасида таркибда катта ўзгаришлар бўлмайди"  3 23:30Евро-2024. Грузия – Чехия 1:1, Шик Грузиядан ғалабани тортиб олди  0 23:20Эндрик "Реал" ҳақида: "Дунёдаги энг катта клубга ўтяпман. Катталаридан бирига эмас, энг каттасига"  9 22:57Евро-2024. Туркияни йирик ҳисобда ютган Португалия кейинги босқич масаласини ҳал қилди   98 22:28"Челси" испан клуби учун Галлахернинг нархини пасайтирмади  1 21:59Суперлига. "Сўғдиёна" "Локомотив" майдонида зафар қучиб, 3-ўринга чиқиб олди  17 21:48"Бавария" бир ой олдин Чалханоглуга қизиққан. "Интер" эса...  0 21:00Самарқандга катта футбол қайтган оқшомда "Динамо" "Андижон" билан муроса кўчасини танлади  66 20:35Фабрицио Романо: "Челси" умумий трансфер нархи 60 млн евродан ошиқ бўлган футболчи билан шартнома тузди  5

Интервью. Элман Тагаев — "Навбаҳор" ва "Андижон"даги фаолияти, Канчелськис ва водийлик мухлислар ҳақида Янгиликлар

Интервью. Элман Тагаев — "Навбаҳор" ва "Андижон"даги фаолияти, Канчелськис ва водийлик мухлислар ҳақида

Ўзбекистон терма жамоаси бир неча кун олдин ЖЧ-2026 саралаш босқичи доирасида Туркманистон билан куч синашди.

Рақиб сафида ўзбек клубларида тўп тепган Арсланмирад Аманов, Элман Тагаев каби тажрибали футболчилар бор эди. Аманов билан ўтган йили CAFA мусобақаси доирасида суҳбатлашган эдик. Энди эса "Андижон" ва "Навбаҳор" жамоаларида фаолият олиб борган Элман Тагаевни интервьюга таклиф қилдик. 

— Катта футболдан олдин футзалда шуғулланганман. Анча вақт мини футболда омадимни синаб кўрганман. футзал лигасида жамоалар кўп бўларди, ҳаттоки Туркманистон футзал терма жамоасида ҳам ўйнаш насиб қилган. Мендан футзал ёки катта футбол танлашни сўрашди. Якунда катта футболга йўл олдим. Иккита фронтда тўп тепишнинг иложи йўқ эди. Футбол мен шуғулланадиган ёқимли машғулот ҳисобланарди. Бу йўл бошида пул ҳақида ўйламаганман. Мақсадим ўзимни кўрсатиш ва катта футболда ўрнимни топиш. Ҳозир эса профессионал касбим, шу орқали оиламни боқаман. У кўп топмоқда, мен кам пул оляпман деган фикр менда туғилмайди. Ҳар кимнинг ўз йўли, насибаси бор.  

— Туркманистон футболига келсак, иқтидорларимиз бор. Ёшлар етишиб чиқмоқда. Нима дейишим мумкин, бизда агентлар кам. Ўйлайманки, туркманистонлик футболчилар кучли жамоаларда ўзларини кўрсатишга қодир. Арсланмирад Аманов узоқ йиллар бу ерда ўйнади. Ўзбекистон чемпионатида яна Геворкян, Гочкулиев, Аманов каби футболчилар пайдо бўлишига ишонаман. Артур Геворкян бу - афсона. Сунъий майдонларга тўхталсам, биз бу шароитга ўрганганмиз. Албатта, буни ўз қийинчилиги бор. Айтганимдек, туркманистонлик футболчилар сунъий майдонга мослашиб бўлган. Шу боис нолишга ҳожат йўқ. 

— 2016 йил иккинчи даврада "Андижон"га келдим. Жуда яхши хотиралар қолган. Олдимизда жамоани Суперлигада олиб қолиш вазифаси қўйилганди. Эсимда, биринчи учрашувим "Пахтакор"га қарши кечган. Ўшанда 1:0 ҳисобида ғалаба қозонгандик. Ғалабадан кейин мухлислар, футболчиларнинг ҳиссиётларини ифодалаб бўлмасди. Ҳамма хурсанд. Андижонда оддий одам сифатида кўчада юрсангиз ҳам таниб қолиб ҳурмат қилишади, меҳмонга чорлашарди. Умуман Андижон ҳақида фақат ижобий хотиралар қолган, ёмон нарса кўрмаганман. Тўғри, лигада қолишни уддасидан чиқмаганмиз. Бу - футбол. Жамоада барча билан дўст эдим. Алибобо Раҳматуллаев, Жавлон Гусейнов, Анвар Бердиев ва бошқалар. Рўзимбой Аҳмедов билан ҳамон гаплашиб тураман. Албатта, ҳозир ҳам Туркманистонда Ўзбекистон чемпионатини кузатиб борамиз. "Андижон"нинг бу йилги ўйинлари, натижаларини олдинга катта силжиш деб биламан. Ўйлайманки, улар шу руҳда давом этади. Водийда футболни севишади. "Навбаҳор", "Нефтчи", "Андижон" бу йил чемпионликка ҳаракат қилмоқда. Бу қувонарли ҳолат. Уларнинг иштирокидаги ҳар бир учрашувни алоҳида томоша қиламан. "Насаф"ни ҳам эътибордан четда қолдирмайман. Марказий ўйинларни ўтказиб юбормайман. Ўзбек футболи анча илгарилаб кетди дея оламан. Чемпионатга ВАР тизими кириб келди. Бу ҳали кўп лигаларда қўлланилмаган. МДҲ мамлакатлари орасида ҳеч бир чемпионатдан қолишмайди. Бир-бири билан таққосламаган бўлардим, чунки футбол ҳамма жойда озми-кўпми ривожланмоқда. 

— "Навбаҳор" алоҳида тарих. Қисқа вақт тўп тепган бўлсамда мухлислар меҳрини қозона олдим деб ўйлайман. Улардан ҳамон хатлар оламан. Ҳа, қайсидир учрашувларда захирада қолдим. Бундан хафа бўлмаганман. Андрей Канчельскис барчасини босиқлик билан тушунтирарди. Керакли вақтда чиқардим ва ёрдам беришга ҳаракат қилардим. Шундай вазият бўлдики, оилавий шароит туфайли клубдан кетишимга тўғри келди. Андрей Антанасовичга ҳолатимни айтдим. Ўзаро ҳурмат асосида хайрлашдик. "Навбаҳор" либосида майдонга тушганимда ўзимни худди Европада ўйнагандек ҳис қилардим. Стадионда жойлар қолмаган вақтда одамлар зиналарда туриб ҳам қўллаб-қувватлайди. Шунчаки сўз билан таърифлаш қийин. Масалан, мен Озарбайжонда ўйнаганман. Аммо бундай содиқ мухлисликни кўрмаганман. Ютасизми ёки ютқазасиз мухлислар далдасини ҳис қиласиз. 

— Андрей Канчельскис алоҳида шахс. Машғулотлари осон ўтганини эслолмайман. Кўпроқ кучга ва жисмоний тайёргарликка урғу беради. Шундай пайтлар бўлардики, машғулотдан кейин юргани кучимиз қолмасди. Жисмоний юкламалар кўп бериларди. Бунга кўникканмиз. Фақатгина унинг ёрдамчиси Александр Беленков билан кичик тушунмовчилик бўлган. Бунга оддий ҳолат сифатида қараганман. Жамоадагилардан Ўткир Юсупов билан бир хонада турганмиз. У менинг дўстим. Туркманистонга келганида ёки мен Тошкентга келганимда кўришамиз, дўстона муносабатлар сақланиб қолинган. Ўткир ўшанда "Навбаҳор"да қолишимни сўраганди. Аммо футболчининг тақдири шундай экан. Наманганда қанча вақт ҳаракат қилган бўлсам ҳам ўзимни яхши томонимни кўрсатишга интилганман. Мухлислар норози бўлишдими, демак хато қилдим ва ўз устимда ишлашим кераклигини билардим. Агар 5-10 йил олдин яна танлаш имкони берилса, "Навбаҳор"га ўтардим. Бу билан "Андижон"ни кучсиз деган фикрдан йироқман. Икки жамоа мухлисларини ҳурмат қиламан.

Муаллиф : Iskandarov Abdulaziz
Рейтинг: +3   

Фикрлар

+2   
09 июн 14:07:31
Rasul M
MAVZUDAN TASHQARİDA championat asia Srechko katanesni tanqid qilish bolsa birnchi orinda doimo Katanes Uzbekiston Terma jamoasining 30yillik rekordni yangilapdi maglubiyatsiz seriya boyicha maglubiyatsiz oyinlar 12taga yetipdi...Tribuna.uz Stadion.uz Sports.uz futbol.uz Yozdi lekin championat asia yozmadi nega Yo minus tarafiyam chiqib qolar deb kutib otiribsizlarmi
+2   
09 июн 13:15:29
Ulugbek Hakimov
НАВБАХОР ТАН ОЛИШ КЕРАК УЧ ЙИЛДАН БЕРИ ЧЕМПИОНАТДА ИНТРИГАНИ ОШИРИБ ЮБОРДИ.БРЕНД ЖАМОА.
+1   
09 июн 14:55:23
islombek6767
Навбахор мухлиси сифатида бундай мақолани ўқиш жуда ҳам еқимли Жамоаларимиз ва биз водий мухлислари шарафига бўлган илиқ фикрларинг учун каттакон рахмат! Элман албатта сендай инсонларни биз мухлислар ҳам эслаб турамиз
+1   
09 июн 13:36:44
И.М.
Навбахор мухлислари ва жамоа Канчельскис даврида хам зур булган Элманда техника зур эди аклли уйинчи эди худди Искандеровга ухшаб омадингни берсин зур мураббий булсанг Наманганга келарсан Элман
+1   
09 июн 13:13:42
Bekzodbek fanat LIVERPUL and ANDIJON
Shu yerda ham Andijon Navbahor))
   
09 июн 15:00:28
Rasul M
Зинуp фойдаланувчининг фикрига жавоб бериш
Яхшику хамюртиздан интервю олибди
Xa tugri bu yaxshi albatta men boshqa mavzu xaqida yozdim..bunisi boshqa
   
09 июн 14:23:43
Зинуp
Rasul M фойдаланувчининг фикрига жавоб бериш
MAVZUDAN TASHQARİDA championat asia Srechko katanesni tanqid qilish bolsa birnchi orinda doimo Katanes Uzbekiston Terma jamoasining 30yillik rekordni yangilapdi maglubiyatsiz seriya boyicha maglubiyatsiz oyinlar 12taga yetipdi...Tribuna.uz Stadion.uz Sports.uz futbol.uz Yozdi lekin championat asia yozmadi nega Yo minus tarafiyam chiqib qolar deb kutib otiribsizlarmi
Яхшику хамюртиздан интервю олибди
championat.asia
< сўнгги янгиликларни кўриш
Яндекс.Метрика