«Спартак» собиқ футболчиси Алекс ва ЦСКА ҳужумчиси Витиньо ўйнаётган клуб ўз тарихида илк бор А серияни тарк этди.
«Интернасьонал» сўнгги турда «Флуминенсе»ни мағлуб эта олмади - 1:1. Фақат ғалабагина клубни олий дивизионда сақлаб қоларди.
Маълумот учун, ушбу клуб 3 карра Бразилия чемпиони бўлган, бир марта Бразилия кубоги соҳибига айланган. 2006 йил клублар ўртасидаги Жаҳон чемпионатида ғолиб бўлган. Икки бор Либертадорес кубогида зафар қучган. Бир марта Судамерикана кубоги соҳибига айланган.
