InStat. Роналдуга оид қизиқарли статистик маълумотлар

"Кекса синьора" билан ўйиндан сўнг "Реал"нинг жорий мавсум ЧЛдаги голлари сони 25тага етди, уларнинг 14тасини Роналду урган, 3тасида жамоадошига пас берган, яна 3тасида эса ассистентдан аввалги узатма муаллифи бўлган. Ўз жамоасининг голларида иштирок этиш бўйича иккинчи ўринни Лионель Месси эгаллаб турибди, у "Барселона"нинг 69% голли ҳужумларида қатнашган.

Роналду ЧЛнинг бу мавсумида битта гол учун ҳаммадан кам вақт сарфламоқда (ўртача 61 дақиқа). Бу кўрсаткич бўйича иккинчи ўрин "Севилья" форварди Виссам Бен-Йеддерга тегишли (75 дақиқа). Жорий мавсум Роналду Испания чемпионатида гол уриши учун ўртача 96 дақиқа керак бўляпти.

Роналду "Ювентус" дарвозасига 7та зарба берди. Португалиялик зарбалар сони бўйича таъқибчиларидан анча узоқлашиб кетган. Роналду ҳисобида 62та зарба бор, иккинчи ўрин Пауло Дибалага (33), учинчи ўрин эса Лионель Мессига (32) тегишли.

Роналду "Ювентус"га қарши баҳсда курашларда ғолиб бўлиш (10) бўйича энг яхши футболчи бўлди. Бу натижа Криштианунинг жорий мавсумдаги энг юқори кўрсаткичи ҳисобланади. У ҳар 90 дақиқада ўртача 4,5та курашда ғолиб бўлмоқда.