UZ

Сўнгги янгиликлар

00:50"Ливерпуль" Кьезани Чемпионлар Лигаси қайдномасига киритмагани маълум бўлди  1 00:32Элдор ва Аббос сафда, Кападзенинг кайфияти чоғ – миллий жамоа машғулотларидан ГАЛЕРЕЯ  4 00:10U-23 Осиё кубоги саралаши. Ўзбекистон жойлашган гуруҳнинг иккинчи баҳсида Қирғизистон Кими Меркнинг дубли эвазига Фаластинни енгди  2 23:50Португалия президенти марҳум Диогу Жотани орден билан тақдирлади  1 23:18"Пахтакор" 5 нафар тарбияланувчиси учун 432 миллион сўм олади  0 22:44Ўзбекистон U-17 терма жамоаси ўртоқлик ўйинида Англияга ютқазди  9 22:25Антони "Бавария" таклифини рад этганини айтди. У "Бетис"га берган сўзида турган  1 21:55"Атлетик" ФИФА Лапортни рўйхатдан ўтказишни рад этганини тасдиқлади  1 21:36Ла Лигада ой мураббий бўлиш учун номзодлар номи эълон қилинди. Флик улар орасида йўқ  8 20:55Ла Лигада август ойининг энг яхши ўйинчиси бўлиш учун номзодлар номи эълон қилинди  3 20:25Равшан Ҳайдаров: "Бутун ўйин давомида устунликка эга бўлдик, тўпни назорат қилдик"  13 19:59A Bola: Лёвдан сўнг Бенту ҳам Ўзбекистонга "йўқ" деди  107 19:50Фарруҳ Сайфиев Туркманистон билан баҳсда дарвозабонга атайин жароҳат етказдими?  11 19:33Аббос Файзуллаев: "Туркияга мослашиш қийин бўлмади"  3 17:37Фермин ва Гави қизлар туфайли жанжаллашиб қолганми?  1

Илёс Зейтуллаев: "Мен жойимдан қўрқмайман. Эртага нима бўлишини билмаймиз" Янгиликлар

Илёс Зейтуллаев: "Мен жойимдан қўрқмайман. Эртага нима бўлишини билмаймиз"

"Бунёдкор" бош мураббийи Илёс Зейтуллаев "Пахтакор"га қарши учрашувдан сўнг фикрларини билдириб ўтди.

"Ўйинни кўрдингиз. Меҳмонда "Пахтакор"га қарши тенг ўйин кўрсатдик деб ўйлайман. Биринчи бўлимни олиб қараганда ҳам 5-6 та вазиятларимиз бўлди. Футбол шундай спорт турики, унда яратилган имкониятлардан фойдаланишингиз керак. Биз қўлимиздан келганча ҳаракат қиляпмиз. Балки мавсумдаги энг яхши ўйинларимиздан бирини ўтказгандирмиз. Лекин бу очко олиб келмади",- дейди Зейтуллаев. 

- Жамоага келганингиздан бери қандай ўсиш кузатилди?

- "Бунёдкор"да штабимиз билан ишга киришганимизда охирги ўринда бораётган эдик. Ҳозир бир поғона юқоридамиз. Прогрессга келсак, ҳар бир ўйинда 15 га яқин хавфли вазиятлар яратяпмиз. Лекин фойдалана олмаяпмиз. 

- Вазиятларни голга айлантира олмаслик руҳий ҳолат билан боғлиқми? Дейлик бугуннинг ўзида Исмоналиевда қулай имконият юзага келганди...

- Йигитлар руҳий томондан босим ҳис қилишмоқда. Мен ҳам бу жараённи бошимдан ўтказганман. Маҳорат бор. Усмонали "Локомотив" билан ўйинда гол уриб ғалабага ҳисса қўшганди. Олдимизда катта танаффус. Тикланиб олиб, иккинчи даврага тайёргарлик кўрамиз. Ҳаммаси меҳнат эвазига келади. Мухлисларни хурсанд қилишни жуда истамоқдамиз. Лекин бу нарса ўхшамаяпти. 

- Сербияга кетган Амирбек Саидов ва рус клубларига ўтиши кутилаётган Амир Тўрақулов ҳақида нима дея оласиз?

- Бу саволни раҳбариятга берган маъқул. Амирбек Саидовга омад тилайман. Масалан, бугун ўрнинг билинди. Амир Тўрақуловга қайсидир клублар қизиқаётгани ҳақида эшитдим. Унда футболчига ҳос барча сифатлар бор, иқтидорли ўйинчи. Нафақат Россия чемпионати, Европада ҳам ўйнаб кета олади. 

- Темурхўжа Абдухолиқов жамоа сардори, ўзида катта масъулият ҳис қилади. У ҳеч билан уришмади, шунчаки ҳимоя қилди. Яна гаплашамиз, кейинги сафар бундай нарсаларга эмас, гол уришга энергия сарфлайди деган умиддаман.  

- Бундай асабий ва катта босим ҳолатида жойингизни йўқотиб қўйишдан қўрқмайсизми? Тўғри, жамоа ўйинни ўзгартирган. Лекин...

- Мен жойимдан қўрқмайман. Эртага нима бўлишини билмаймиз. Мураббий ҳаётида бўладиган нарса. Раҳбарият мендан бўшатишни ва бошқа одам келишини айтса мен фақат "Бунёдкор"нинг мухлиси бўлиб қоламан. Мураббийлар штабимдан миннатдорман. Яхши кунда ҳам, ёмон кунда ҳам катта ёрдам беришмоқда.

Рейтинг:    

Фикрлар

championat.asia
< сўнгги янгиликларни кўриш
Яндекс.Метрика