Илҳом Мўминжонов: "Хоразм" билан ўйин қийин бўлиши олдиндан кутилганди"

"Қийин ўйин бўлишини кутган эдик. "Хоразм" Про лигада ўз майдонида ютқазмаган жамоалардан бири эди. "Динамо", "Бухоро", "Олимпик"га мағлуб бўлмаганди. Таркибида сифатли футболчилар борлигини билардик. Шунга қарамасдан якунда 3:0 ҳисобида ғалаба қозондик. Ярим ҳимоя ва ҳужум чизиғи вакилларимиз яхши ҳаракат қилишди. Ўзимиз яратган вазиятлардан фойдалана олдик. "Бухоро" билан ўйинга тайёргарлик кўрамиз.

"Хоразм" биринчи голга қадар олдинги баҳсларда эҳтиёткорлик билан тўп тепаётганди. Уларга кейинги ўйинларда омад тилайман. Стандарт вазиятдан гол урганимиздан сўнг рақиб очилишни бошлади. Бунга қадар 5та ҳимоячи билан ўйнаётганди. Мана шу паллада ўз ўйинимизни йўқотмасдан позицион ҳаракатларимизни кучайтирдик.

Ҳозирда мақсадимиз Суперлигага чиқиш. Шундан сўнг қолган масалаларни кўриб чиқамиз",- дейди Илҳом Мўминжонов.