Ilgiz Tantashev JCH-2026 saralash o'yinini boshqaradi

Tolibjon Qosimov
13 mar 2024, 14:18
Xabaringiz bor, 2026 yilda Shimoliy Amerikada o'tkazilishi rejalashtirilgan futbol bo'yicha Jahon chempionati uchun Osiyo qitasi saralash uchrashuvlari o'tgan yilning oktyabr oyida boshlangan va saralashning dastlabki bosqichida hakamlarimiz 3 ta uchrashuvni boshqargan edi.

Saralashning ikkinchi bosqichidan o'rin olgan Yaman – BAA uchrashuvini Ilgiz Tantashev boshchiligidagi hakamlar jamoasi boshqarib boradi. Qanotlarda unga Andrey Sapenko hamda Timur Gaynullin yordam bersa, yana bir hamyurtimiz Asker Najafaliev zaxira hakami vazifasini bajarishi ko'zda tutilgan. Bundan tashqari, ushbu bosqich doirasidagi Falastin – Bangladesh bahsiga yana bir vakilimiz - Vladislav Seytlin hakamlar nazoratchisi sifatida tayinlov olgan.

Quyida ular boshqaradigan uchrashuv ma'lumotlari bilan tanishing:

JCH-2026 saralashi, 2-bosqich

Osiyo mintaqasi, "H" guruhi

Yaman – BAA

27.03.2024 | 00:00

Bosh hakam: Ilgiz Tantashev.

Yordamchi hakamlar: Andrey Sapenko, Timur Gaynullin.

Zaxira hakami: Asker Najafaliev.


Osiyo mintaqasi, "I" guruhi

Falastin – Bangladesh

21.03.2024 | 23:30

Nazoratchi: Vladislav Seytlin


Vakillarimizga ushbu uchrashuvlarda omad tilaymiz!

O'xshash yangiliklar


Tolibjon QosimovMuallif
Manba: t.me/uzfhm