“Мен Роналду билан бир жамоада тўп тепганман. Шу боис ўзимга берилган янги имкониятдан мамнунман. “Милан”да ҳамма нарса бор. Яхши футболчилар ва ажойиб тарих. Шу сабаб бу ерда футболдан завқ олмоқчиман”, дея футболчининг сўзларидан иқтибос келтирмоқда Goal нашри.
Игуаин 2016 йилда “Наполи”дан “Ювентус”га кўчиб ўтганди. Туринликлар сафида у 105 та учрашувда майдонга тушиб, 55 та гол уришга эришганди.
Эслатиб ўтамиз, аргентиналик футболчи янги мавсумда “Милан”да ижара асосида тўп тепади. 2019 йилнинг ёзида клуб уни “Ювентус”дан 36 миллион еврога сотиб олиши мумкин бўлади.
