Игорь Шквирин: "Ўзини босиб олмаса Гоголни жамоадан ҳайдаймиз"

"Агар биз биринчи бўлимда яратилган вазиятлардан фойдаланганимизда ҳисоб бошқача бўларди. Футболда сен урмасанг, сенга уришади дейишади. Мағлуб бўлаётгандик, бироқ захирадан тушган Дониёр Исмоилов гол уришга муваффақ бўлди. Натижа мени хафа қилди. Сабаби бу ерга ғалаба учун келгандик. Рақиб яхши жамоа, олдинги ўйинларини кузатганман. "Шўртан" юқори ўринлар учун кураша олади".

"Барча жамоаларнинг камчиликлари бор. Хатто ўша "Барселона"да ҳам бор. Шунчаки улардан фойдалана олиш керак".

"Қизил карточка борасида нима дейман? Гоголь ҳакам ҳуштак чалганидан кейин рақибни урди. Агар ўзини босиб олмаса уни жамоадан ҳайдаб юборамиз. Уни жаримага тортамиз, ана яна шундай ҳолат такрорланса жамоадан ҳайдаймиз", - дейди Игорь Шквирин.