Игнатий Нестеров: “Олдимиздаги вазифа мундиал йўлланмасини қўлга киритиш”

Ушбу ўйин олдидан Ўзбекистон терма жамоаси дарвозабони Игнатий Нестеров фикр билдирди. 

“Бизнинг олдимиздаги илк вазифамиз ЖЧ 3-саралаш босқичининг илк ўйинини ғалаба билан бошлаш ва мундиал йўлланмасини қўлга киритиш. Бугунги ўйинга жуда ҳам кўп мухлислар бизни қўллаб-қувватлаш учун стадионга ташриф буюришади. Сурияга қарши учрашувда биз мухлисларимизни хурсанд қилишимиз керак. Ушбу баҳсда ғалаба қозониш учун қўлимиздан келган барча ишни амалга оширамиз. Биз ушбу босқичга жуда ҳам жиддий тайёргарлик кўрдик. Бугунги ўйинга тайёрмиз ва ғалаба қозонамиз. Сурия кучли терма жамоа. Биз уларни ўйин услубларини ўрганиб чиқдик. Футболчилари барча чизиқларда яхши ҳаракат қилишади. Бугун мухлисларимизни хурсанд қилиш учун ҳам ғалаба қозонамиз”, - дейди Ўзбекистон терма жамоаси посбони Игнатий Нестеров.

Жаҳонгир Сотволдиев