Игнатий Нестеров допинг қабул қилганми?

"Саудия Арабистонидан тушунарсиз ва совуқ хабарлар келди.

Ҳамкасбларимнинг ёзишича, "Оҳод" футбол клуби "Осиё Кубоги вақтида Ўзбекистон терма жамоаси сафида тақиқланган моддаларни қабул қилгани учун ОФК томонидан четлатилган" жамоа дарвозабони Игнатий Нестеров ўрнига посбон рўйхатдан ўтказиш учун Саудия Арабистони футбол федерациясининг рухсатини кутаётган экан. ОФК сайтида Нестеровнинг жазоланиши ҳақида ҳеч қандай маълумот йўқ. Гап Нестеровни тўлақонли четлатиш ёки вақтинчалик дисквалификация ҳақида кетаётгани тушунарсиз. Воқеалар ривожини кузатамиз" - дейилади Никимбаев каналида.

Эслатиб ўтамиз, Игнатий Нестеров БААдаги Осиё Кубогидан сўнг Саудия Арабистонининг "Оҳод" клубига ўтган эди.

Нестеров ҳақидаги сўнгги маълумотларни кузатиб борамиз ва бу ҳақида ўқувчиларимизни биринчилардан бўлиб хабардор қиламиз.