“Ифтихор” ўз таркибини кучайтирмоқда

Аввал хабар берганимиздек, жамоага яқинда Абдусамад Дўрмонов бош мураббий этиб тайинланди. Унга Нодирбек Қўзибоев яқиндан ёрдам бермоқда. Олтиариқликлар айни дамда ўз қароргоҳида кунига бир маҳалдан машғулот ўтказмоқда.

Таркибни кучайтириш мақсадида “Нефтчи”нинг собиқ ўйинчиларига айланиб улгурган, ҳимоячи Мурод Тўйчибоев, ярим ҳимоячи Мансур Саидов ҳамда ҳужумчи Шерзод Ҳакимов таклиф этилган. Бундан ташқари яқинда “Сўғдиёна” билан хайрлашишга қарор қилган ҳужумкор ярим ҳимоячи Умид Қодиров ҳам янги мавсумни “Ифтихор”да ўтказадиган бўлди.