Ибрагимович: "Чалханоглу Эриксен билан рўй берган фожиадан фойдаланиб қолди ва "Интер"га ўтди"

"Милан" ҳужумчиси Златан Ибрагимович "россонерилар"нинг собиқ футболчиси Хакан Чалханоглунинг "Интер"га ўтиши борасидаги фикрлари билан ўртоқлашди.

“Биз Хаканга жамоага берган ёрдами учун миннатдорчилик билдиришимиз ва унга келажакдаги фаолиятига омад тилашимиз керак. Бу ёқимсиз туюлиши мумкин, аммо Чалханоглу фожиадан унумли фойдаланди. Кристиан Эриксен Евро-2020 доирасидаги Дания – Финляндия учрашуви вақтида юрак хуружига учради. Шу боис "Интер"га бу позицияга футболчи керак эди ва Хакан учун эшик очилди. Бунгача унга на "Интер"дан, на бошқа клублардан таклиф бўлган.

Лекин Хакан яхши йигит ва мен туфайли ўсишга эришди. Мен келгунимча унинг статистикаси яхши эмасди. Мен ҳар доим "Агар у "Милан"дан маошини оширишни сўраса, бу менинг айбим бўлади, чунки мен уни ажойиб футболчига айлантирганман", дея ҳазиллашардим", – деди швециялик ҳужумчи.

Олдинроқ Ибрагимович Месси ва Роналдуни ўзаро солиштирганди.