Ҳокимият масъуллари футбол майдонларини сотиб юборса, футбол қаердан ривожланади?

Бугунга келиб уй қурувчиларнинг ошиғи олчи. Туманингизга 6 ой борманг, янги кўп қаватли уй солиб қўйган бўлишади. У ер олдин болалар ўйнайдиган жой бўлганми, машиналар турадиган жой, фарқи қолмади. Қатор, қатор уйлар тушиб ётибди. Авваллари уйлар ўртасида маълум масофа бўларди. Одам, одамдек яшаши керак эди. Елвизак бўлиши керак, дараҳтлар, болалар ўйингоҳи, автотураржойлар. Ҳозир тап этиб, иккита кўп қаватли хонадонлар ўртасида иморат тушяпти. Майли, тадбиркорлар қаддини урсин, лекин миллионлаб болалар номидан битта нарса сўрайман, БОЛАЛАР ФУТБОЛ МАЙДОНЛАРИГА ТЕГМАНГ!

Тўғри, бугун болалар футболида катта пул йўқ. Лекин 10-15 йил ўтиб уларда пул бўлади, пул бўлганда бу кетишда майдон қолмаган бўлади. Футбол майдонлари ўрнида кўп қаватли бинолар, савдо марказлари, катта-катта дўкон ва бозорлар қуриляпти. Ҳокимлар ўз вилоят, шаҳар ёки туманларида болалар футбол клубларини кўпайтириш ўрнига, тап-тайёр жойини "сотворяпти". Аксар тадбиркорлар болалар спорти деб катта ерларни олиб, 3-4 йилга кичкина майдонча қуриб қўйяптида, кейин боса-бос, уй қуриб ташлаяпти.

Футболчилар майдон учун жой сўраса, аукциондан сотиб ол дейди. Борини бузади, қураман деганга ер бермайди.

Нодирхўжа Юлдашев