UZ

Сўнгги янгиликлар

11:42Эшитдик-да! "Олимпик"нинг яна бир футболчиси Суперлиганинг бошқа клубига ўтмоқда  3 11:05«Реал Мадрид» яна бир фахрий ҳимоячини текинга қўлга киритиши мумкин  3 10:29Нега Тимур Кападзенинг Испанияга қарши ўйин олди ташкил этилган матбуот анжуманидаги фикрлари ҳеч бир ўзбек ОАВсида чиқмади?  29 09:57АS нашри Испания ОТЖнинг бугунги учрашув учун тахминий таркибини эълон қилди  19 09:22Ўзбекистон ОТЖнинг бугунги учрашув учун тахминий таркиби билан танишинг  24 08:55“Mirabror Usmanov Cup-2024”. Бугун учинчи ўрин ва финал учун учрашувлар бўлиб ўтади  2 08:26Ҳусайн Норчаев олимпиада олдидан ФИФАга тайёргарлик, режалар ва мақсадлар ҳақида интервью берди  14 08:01ESPN нашри ХХI асрнинг энг яхши футболчилар рейтингини тузиб чиқди  17 07:21Тарих ёзишда давом этамиз! Бугун Ўзбекистон ОТЖ Олимпия ўйинларида дебют баҳсида майдонга тушади  40 00:47Чалобага АПЛнинг уч клуби қизиқиш билдирмоқда  1 00:30"Барселона" Мексика терма жамоаси мураббийлар штабига қўшилган Маркес учун 2 миллион евро олди  3 00:03"Милан" ҳимоячиси Бельгияга йўл олди  1 23:46"Реал Мадрид" бошқа ҳеч кимни сотиб олишни режалаштирмаяпти  6 23:29"Челси"ни 12 нафар футболчи тарк этиши мумкин - барча номлар маълум  3 23:12Туркия. Турғунбоевнинг ягона голи "Сивасспор"га ўртоқлик ўйинида ғалаба тақдим этди  3

Ҳафта якуни. "Навбаҳор"дан "Қизилқум"гача... Янгиликлар

Ҳафта якуни. "Навбаҳор"дан "Қизилқум"гача...

Ҳафта якунларини давом эттирамиз. Энди жадвалнинг қуйи етти ўринларини эгаллаб турган жамоаларнинг тайёргарликларига шарх берамиз.

"Навбаҳор": Мураббийлар штабида ўзгариш

"Навбаҳор" иккинчи даврага тайёргарликни 14 июль куни Наманганда бошлади. Жамоа сафида жиддий ўзгаришлар бўлгани йўқ. Фақатгина Роберт Гай "лочинлар" мураббийлар штабидан ўрин олди. "Навбаҳор"ни Мустафо Байрамов иккинчи даврага тайёрлаяпти. Айтиш жоизки, унинг ишидан футболчилар ҳам, мухлислар ҳам қониқишяпти.

"Гулистон": Афсус...
Афсуски, қийинчилик билан тузилган жамоа, ҳудди "Пахтакор" каби инқирозга учраяпти. Бахтиёр Ашурматовнинг 2 йиллик меҳнати клубга бўлган эътиборни пасайиб кетиши туфайли барбод бўлиш арафасида. Агар қисқа вақт ичида жамоа ўзига янги бюджет манбасини топмас экан, футболчилар клубни тарк этишга мажбур бўладилар. Куни кеча Бобуржон Акбаров "Нефтчи" машғулотларига бориб қўшилган. Табиийки бундай паллада, келадиганлар ҳақида гапириш норўрин.

"Нефтчи": Мана сенга олам-олам гул!
Машҳур интермедиадан келтирилган жумлаларни бу сафар "Пахтакор"га эмас, "Нефтчи" учун ёзишни мақул кўрдик. "Нефтчи"ни оёққа туришидан нафақат фарғоналиклар, балки биз ҳам жуда хурсанд бўлаяпмиз. "Нефтчи" олий лига тарихидан жой олган гранд жамоалардан бири, шундай экан уни аввалги даражасига қайтиши чемпионатимиз учун айни муддао. Жорий мавсум бешталикка киришга ҳаракат қиладиган фарғоналиклар, кейинги йил ўз олдиларига чемпионлик вазифасини қўйсалар ажабланмаймиз. Бунинг учун Фарғонада, пул, мухлис ва ўйинчи борасида муаммо йўқ. Жамоа иккинчи давра олди машғулотларини бошлаб юборди ҳамки, ўз сафини бир қатор футболчилар билан тўлдиришда давом этяпти. Хислат Чилматов, Ғайрат Ҳасанов, Шукур Жумабоев, Носир Отақўзиев, Мўйдин Мамазулунов ва Абдуқаҳҳор Хожиакбаров каби футболчилар "Нефтчи" машғулотларида иштирок этаяптилар. Кетганлар эса йўқ.


"Сўғдиёна": Ўзгаришсиз
Жиззахликлар 12 июль куни ўз уйларида мавсумга ҳозирликни бошлаб юбордилар. Эртадан эса машғулотлар Тошкентга кўчади. Таркибда ҳозрича ҳеч қандай ўзгариш бўлгани йўқ.

"Динамо": Хайр, Клецков!
Жорий мавсумни "Динамо" сафида бошлаган Александр Клецков Туркия биринчи лигаси вакили "Ордуспор" жамоаси сафига бориб қўшилди. Табиийки бу Равшан Ҳайдаров учун жиддий йўқотиш бўлди. Жамоага расман янги келганлар йўқ. Аммо уларнинг сони кўпайиши аниқ. Равшан Акмалович иккинчи давра бошлангунича, "Пахтакор"дан бир қатор футболчиларни ижарага олмоқчи.

"Шўртан": Фақат кетишяпти
Бугун "Шўртан" сайтида трансферга қўйилган футболчилардан ташқари номлари зикр этилган ўйинчилар расман клубни тарк этмаганликлари ҳақидаги хабар чиқди. Аслида эса кўплаб футболчилар иккинчи давра олдидан бошланадиган машғулотларда "Шўртан" сафига бориб қўшилишни исташмаяпти.

"Қизилқум": Ҳали расман ҳеч ким кетгани йўқ
Шундай бўлсада жамоани бир қатор асосий таркиб футболчилари тарк этишмоқчи. "Пахтакор"дан ижарага олинган футболчилар, Фаррух Шотурсунов ва ЖЧ иштирокчиси Азамат Абдуллаев ортга қайтиши мумкин. Жамоа эса ҳафвли зонадан чиқиб кетиши учун, МДҲ давлатларидан футболчиларни таклиф этишни режалаштирган.

Рейтинг:    

Фикрлар

championat.asia
< сўнгги янгиликларни кўриш
Яндекс.Метрика