Гвардиола: “Ютқазсак фожиа, ғалаба қозонсак “Ливерпуль”ни қувишда давом этамиз”

“Йигитларнинг ҳаракатларидан ҳайратдаман. Биз жудаям кўп вазиятларни ярата олдик  ва ҳақиқатан ҳам яхши ўйнадик. 

Биз шунчаки доимий ҳаракатларимизни амалга оширишга интилдик. Бу баҳс менга “Арсенал”га қарши ўйиндан кўра маъқулроқ бўлди. Айниқса, Кевин де Брюйне бетакрор футболчи, айнан у ушбу баҳсда ғалабамизнинг асосий омили бўлди. У бизнинг жамоада ўзининг энг яхши ўйинларини намойиш этмоқда. Унинг ўйинга бўлган муносабати, майдондаги ҳаракатлари мени ҳайратга солмоқда. 

Биз мағлуб бўлсак бу фожиа, ғалаба қозонсак “Ливерпуль”ни қўвиб етиш учун яна битта имкониятга эга бўламиз. Айни пайтда “Лестер”дан бир очко ортда қолаяпмиз. 

Мен шунчаки жамоам тўпсиз ва тўп билан қандай ҳаракат қилишини кўришни истайман. Биз бу мавсумда яхши ҳаракат қилаяпмиз. Агар бугунгидек ўйнашда давом этсак, исталган рақибни мағлуб эта оламиз”, дея ўз фикрларини билдириб ўтди “шаҳарликлар” устози.