Гвардиола ва Клопп Англия шон-шараф залига киритилди
29 ноя 2019 11:14
Янгиликлар

Гвардиола ва Клопп Англия шон-шараф залига киритилди

Кеча, 28 ноябрь куни Лига менежерлари ассоциацияси (LMA) кечки овқати бўлиб ўтди.

Бу зиёфатда "Манчестер Сити" устози Хосеп Гвардиола ва "Ливерпуль" бош мураббийи Юрген Клопплар эришган ютуқлари туфайли LMA шон-шараф залига киритилди.

Иккала мутахассис ҳам Англия терма жамоаси бош мураббийи ва LMA президенти Гарет Саутгейтддан ва шон-шараф зали аъзоси сэр Алекс Фергюсондан кумуш салат идишларини қабул қилиб олишди.

Эслатиб ўтамиз, "Ливерпуль" Клопп қўл остида ЕЧЛнинг ўтган мавсумдаги ғолиби бўлган. Гвардиола эса Англиядаги барча совринларни ютди ва кетма-кет тарзда Англия чемпионлигини қўлга киритди.