«Мен раҳбариятга ёзда ҳеч қандай футболчи керакмаслигини маълум қилгандим. Бундан эса ҳозир афсусланаман. Мен шу таркиб билан яхши натижаларга эришишимга ишонгандим. Бироқ мавсум бошидаги жароҳатлар бизнинг барча режаларимизни бузиб ташлади. Менимча, биз ёзда ҳам яхши харидларни амалга оширишимиз керак бўлган экан», — деб фикр билдирди Гвардиола.
Эслатиб ўтамиз, «Ман Сити» қишки трансфер ойнасида катта мағлаб сарфламоқда. Улар Абдуқодир Ҳусанов, Витор Рейс ва Омар Мармуш каби футболчиларнинг хариди учун тахминан 160 миллион евродан воз кечмоқда.
