Гвардиола: "Чемпионлар Лигасини ютишга ҳаракат қиламиз"
22 дек 2022 10:43
Янгиликлар

Гвардиола: "Чемпионлар Лигасини ютишга ҳаракат қиламиз"

"Манчестер Сити" бош мураббийи Хосеп Гвардиола "шаҳарликлар" билан шартномасини узайтиришга ундаган сабабни айтди.

"Чемпионлар Лигаси? Тан оламан, бу бизга керак бўлган кубок ва агар уни ютмасак, бу ердаги даврим тўлиқ ўзини оқлади деб ҳисобланмайди. Бироқ шартномамни узайтиришимнинг ягона сабаби бу эмас. Агар охирги 11 ой давомида Чемпионлар Лигасида ўйнамаганимизда ҳам, клубни тарк этмасдим. Лекин бу кубок бизга керак ва уни қўлга киритишга ҳаракат қиламиз", – деди Гвардиола.

Эслатиб ўтамиз, "Манчестер Сити" Гвардиола бошчилигида тўрт марта АПЛ ғолибига айланган. Бироқ унинг Чемпионлар Лигасидаги энг яхши ютуғи 2021 йилги финал бўлиб, унда "Челси"га имконият бой берилган (0:1).

Гвардиола бу совринни икки марта – 2009 ва 2011 йилларда "Барселона" билан қўлга киритган.

Ҳавола :

Манба : Football Daily

Янгиликларни Телеграмда ўқинг!

Рейтинг: +7