Россия терма жамоаси муддатидан аввал 1/8 финал йўлланмасини қўлга киритди, бироқ улар қайси ўринни олгани 25 июнда ҳал бўлади.
Станислав Черчесов жамоаси рақиби 4 соат кейин "B" гуруҳи ўйинлари якунланганда аниқланади.
Ҳозир "B" квартетидаги вазият чигал. Испания ва Португалия кеча 1:0 ҳисобида ғалабага эришишди ва энди улар барча кўрсаткич бўйича тенг натижа қайд этишди.
1. Икки жамоадаги ҳам 4 очкодан.
2. Тўплар нисбати +1.
3. Урилган голлар сони 4та.
4. Ўзаро ўйиндаги натижа - дуранг.
Энди яна иккита банд бўйича ўринлар ажратилади:
1. Fair Play очколари. Ҳар бир сариқ карточка учун - 1 очко олиб ташланади, қизил учун эса 3. Тўғридан-тўғри четлатиш учун жамоа 4 очкосиз қолади, сариқ ва тўғридан-тўғри қизил учун - 5 очко айирилади. Ҳар бир футболчи фақат битта жарима олиши мумкин.
2. Агар аввалги банд бўйича ҳам дуранг бўлса, ФИФА қуръа ташлайди.
Ҳозирча фэйр-плей баллари бўйича Испания олдинда: Икки турда улар 1та сариқ карточка олишди (-1 очко), Португалида эса 2та (-2).
