Ғуломхайдар Ғуломов: "Шўртан"да барча шароитлар бор”
24 мар 2014 20:57
Янгиликлар
![](https://championat.asia/upload/storage/122532_original.jpg)
![](/upload/storage/122532_220.jpg)
Ғуломхайдар Ғуломов: "Шўртан"да барча шароитлар бор”
Яқиндагина Ғузорнинг "Шўртан" жамоаси билан бир йиллик шартнома имзолаган Ғуломхайдар Ғуломов жамоа билан янги мавсумга тайёргарлик олиб бормоқда.
Бундан унумли фойдаланиб Ғуломхайдарни суҳбатга чорладик.
- Жамоада ички муҳит қай даражада, кўникиб қолдингизми?
- "Шўртан"да муҳит яхши. Қашқадарёда 5 йил тўп тепганман, бу ердаги футболчиларнинг кўпчилиги таниш бўлгани учун жамоага кўникишим қийин бўлмади.
Ғузордаги базада барча шароитлар бор. Ҳатто, ҳозирги айрим олий лига клублари ҳавас қиладиган даражада. Майдон, машғулот майдончалари, спорт заллари, сунъий қопламали майдон, тренажер зали, хуллас, ҳаммаси аъло даражада.
- Жамоа олий лигага вазифа қўйган. Тайёргарлик шунга яраша кетмоқдами?
- Мураббийлар ҳам, футболчилар ҳам мавсумга астойдил тайёрланишмоқда. Ўйлайманки, раҳбарлар ҳам буни қўллаб-қувватлайдилар.
- Бугун собиқ жамоангиз "Истиқлол"га қарши майдонга тушдингиз. Ўзингизни қандай ҳис этдингиз?
- Очиғи, бироз ғалати. Ўйиним ҳам унча чиқмади, балки жамоа кеча "Хоразм" билан ҳам ўйнагани учун чарчоқ аломатлари сезилгандир. Бу билан ўзимизни оқламоқчи эмасман, бугун "Истиқлол" кўпроқ иштиёқ билан ўйнади. Лекин, ким қандай кучга эгалигини чемпионат ўйинлари кўрсатади.
- Ўзингизни мавсумга тайёрман деб ҳисоблайсизми?
- Мавсумга тўлиқ тайёрман. Мен учун энг асосийси мураббийлар ишончи. Улар менга ишонч билдиришса, ўзимни кўрсатишга ҳаракат қиламан. Бу мен учун катта аҳамиятга эга.
Толибжон Қосимов суҳбатлашди
- Жамоада ички муҳит қай даражада, кўникиб қолдингизми?
- "Шўртан"да муҳит яхши. Қашқадарёда 5 йил тўп тепганман, бу ердаги футболчиларнинг кўпчилиги таниш бўлгани учун жамоага кўникишим қийин бўлмади.
Ғузордаги базада барча шароитлар бор. Ҳатто, ҳозирги айрим олий лига клублари ҳавас қиладиган даражада. Майдон, машғулот майдончалари, спорт заллари, сунъий қопламали майдон, тренажер зали, хуллас, ҳаммаси аъло даражада.
- Жамоа олий лигага вазифа қўйган. Тайёргарлик шунга яраша кетмоқдами?
- Мураббийлар ҳам, футболчилар ҳам мавсумга астойдил тайёрланишмоқда. Ўйлайманки, раҳбарлар ҳам буни қўллаб-қувватлайдилар.
- Бугун собиқ жамоангиз "Истиқлол"га қарши майдонга тушдингиз. Ўзингизни қандай ҳис этдингиз?
- Очиғи, бироз ғалати. Ўйиним ҳам унча чиқмади, балки жамоа кеча "Хоразм" билан ҳам ўйнагани учун чарчоқ аломатлари сезилгандир. Бу билан ўзимизни оқламоқчи эмасман, бугун "Истиқлол" кўпроқ иштиёқ билан ўйнади. Лекин, ким қандай кучга эгалигини чемпионат ўйинлари кўрсатади.
- Ўзингизни мавсумга тайёрман деб ҳисоблайсизми?
- Мавсумга тўлиқ тайёрман. Мен учун энг асосийси мураббийлар ишончи. Улар менга ишонч билдиришса, ўзимни кўрсатишга ҳаракат қиламан. Бу мен учун катта аҳамиятга эга.
Толибжон Қосимов суҳбатлашди
![AMP Logo](https://championat.asia/image/logo-amp.png)
Фикрлар