"Гулистон"да молиявий ҳолат жуда ёмон

Бироқ давра якунига келиб жамоанинг натижалари салбий кўриниш ола бошлади. Давралар оралиғида эса жамоада молиявий муаммолар борлиги ойдинлашди. Клубни Носир Отақўзиев, Собир Усмонхўжаев ва Иброҳим Раҳимов каби етакчи футболчилар тарк этишди. Клуб устози Бахтиёр Ашурматов бир неча марта иккинчи давра бошида вазият яхшиланишига умид қилишини айтганди.

Олинган маълумотларга кўра, клубдаги молиявий вазият иккинчи даврада умуман ўзгармаган. Сирдарё вилояти бош клубидаги вазият ачинарли ҳолатда. Футболчилар анчадан буён маош олишмагани ойдинлашди. Жамоадаги молиявий ҳолат жамоанинг натижаларига таъсир қилиши аниқ, ёмон натижалар туфайли жамоанинг уй ўйинларига келаётган мухлислар сони кескин камайиб кетгани жуда ёмон ҳолдир.

Олий лигага 10 йил деганда қайтган "Гулистон"да вазият ўзгаришига умид қилиб қоламиз. Айни пайтда клуб 15та ўйиндан 17 очко тўплаб мусобақа жадвалининг 9-поғонасида бормоқда.