Гризманн "Реал"га қарши ўйин олдидан фикрларини билдирди

"Дербида ўйнаш бизга доимо ёқади. Мухлисларимиз, ўзимиз ва клуб учун ўйин. Бундай ўйинларда майдонда бор кучингни беришни истайсан. Бундай баҳслар катта аҳамиятга эга. 

"Реал"га қарши ўйин ҳал қилувчи аҳамиятга эга деб ўйламайман. Ла Лига узоқ давом этувчи мусобақа. Ҳозир декабрь ойи. Олдинда яна кўплаб ўйинлар бор. Якшанба кунги ўйинда биз ғалаба қозонишга ҳаракат қиламиз. Нима бўлишини эса кейин кўрамиз. 

Мен шу рухда давом этишим лозим. Бу ерга катта иштиёқ билан келдим. Майдонда ва унинг ташқарисида намуна бўлишим лозим. Ўйлайманки, мен тўғри йўлдаман. Ишлашда давом этишим керак", - деди Гризманн. 

Эслатиб ўтамиз, "Атлетико" ва "Реал" ўйини 12 декабрь кечқурун (Ўзбекистон вақти билан 13 декабрь соат 01:00) ўтказилади.