Гризманн: “Мақсадим – барча совринларни ютиш”
14 июл 2019 07:35
Янгиликлар

Гризманн: “Мақсадим – барча совринларни ютиш”

“Барселона”нинг янги хариди Антуан Гризманн янги мавсум ҳақидаги мақсадлари ҳақида гапирди.

“Мен бахтлиман. Жамоа билан машғулотлар ўтказишга тайёрман. Бу ерга келишдан олдин олдимга улкан мақсадларни қўйганман. Ўйлашимча, барча орзу истакларимга эришиш учун яхши томонларимни кўрсата оламан. Мақсадим барча совринларни ютиш: Испания кубоги, чемпионат ва Чемпионлар лигаси.

Мен дўстларим Умитити ва Дембеле билан гаплашдим ва улар билан бирга ғалабали онларни бирга нишонламоқчиман”, дейди футболчи.

Икки кун илгари Гризманн расман “Барселона” футболчисига айланди ва клуб билан беш йиллик шартномага имзо чекди.

Илгарироқ хабар берилганидек, Гризманн беш йиллик фаолияти давомида клубда 105 миллион евро ишлаб топади. Футболчининг товон пули 800 миллион евро этиб белгиланган.

Ҳавола :

Манба : Mundo Deportivo

Янгиликларни Телеграмда ўқинг!

Рейтинг: +12