"Ғиждувон" жамоаси Тошкент шаҳрида машғулот олиб бормоқда

Жамоа бош мураббийи Асқар Умаров бошчилигидаги ғиждувонликлар кунига икки маҳалдан машғулот олиб бормоқдалар.

Бугунгача "Ғиждувон" жамоаси сафида учрашувларда иштирок этган футболчи Аббос Икромов жамоани тарк этиб, Тожикистон Республикаси чемпионати аъзоси "Кўктош" клуби сафига кўчиб ўтди. Шунингдек жорий мавсумда Тожикистон чемпионати вакили "Истаравшан" жамоаси сафида ҳаракат қилган тажрибали футболчи Жамшид Ҳасанов яна "Ғиждувон" жамоаси таркибига келиб қўшилди.

Жамоа бугун В Про-Лиганинг яна бир вакили "Чиғатой"га қарши назорат-синов учрашувида майдонга тушади.