Гиггз Вьетнамдаги футбол академияси директори, Скоулз унга ёрдамчи
13 ноя 2017 23:33
Янгиликлар

Гиггз Вьетнамдаги футбол академияси директори, Скоулз унга ёрдамчи

“Манчестер Юнайтед” жамоасининг собиқ футболчиси ва мураббийи Райан Гиггз Вьетнамда фаолиятини давом эттиради.

Уэльслик 43 ёшли мутахассис маҳаллий футбол академияларининг бири билан шартнома имзолади. У Вьетнамдаги футбол академияси директори бўлади. Райан ўз ишига 20 ноябрдан киришади, деб хабар бермоқда Goal.

Маълумотда келтирилишича, Гиггз ёш футболчилар ҳамда мураббийлар билан бирга ишлайди. Академия қурилиши ва тараққиёти учун хизмат қилади.

Бу академияни дунёдаги энг кўзга кўринган футбол даргоҳларидан бирига айлантириш кўзда тутилган. Бу борада Гиггзга “МЮ”нинг яна бир собиқ машҳур вакили Пол Скоулз ёрдам беради.