Germaniya – Vengriya, Portugaliya – Fransiya uchrashuvlarining eng yaxshi futbolchilari ma'lum

Sherzod Nurmatov

24 iyun 2021, 02:42

Yevropa chempionati "F" guruhi doirasidagi 3-tur o'yinlari yakunlanib, guruh bahslariga yakun yasaldi.

Germaniya terma jamoasi Vengriya bilan jangovar durang qayd etdi (2:2).

Nemislar yarim himoyachisi Joshua Kimmix o'yinning eng faol o'yinchisi deb topilib, "star of the match" ("bahs yulduzi") sovriniga loyiq ko'rildi.

26 yoshli futbolchining 60 ta pasidan 53 tasi aniq chiqqanini alohida etirof etish joiz.

Portugaliya hamda Fransiya o'rtasidagi o'yin ancha murosasiz kechdi va unda ham jangovar durang kuzatildi (2:2).

Dubl muallifi bo'lgan Fransiya terma jamoasi forvardi Karim Benzema "star of the match" ("bahs yulduzi") deb topildi va maxsus mukofotga ega chiqdi.