Гейнрихга рақобатчи топилди
20 янв 2014 18:32
Янгиликлар

Гейнрихга рақобатчи топилди

Туркиянинг Анталия шаҳрида ўқув-машғулот йиғинини олиб бораётган "Актобе" клуби яна бир тажрибали футболчи билан шартнома имзолади.

Қозоғистон чемпионлари Владикавказнинг "Алания" клуби ҳужумчиси Данило Некони ўз сафларига қўшиб олишди. Бразилиялик футболчи билан шартнома икки йилга мўлжалланган. Таъкидлаш жоиз, бу "Актобе"нинг мавсумлар оралиғидаги тўртинчи трансфери бўлди. Некога қадар Павел Шабалин, Валерий Коробкин ҳамда Ренан Брессанлар ҳам "Актобе" билан шартнома имзолашганди. Шу тариқа, терма жамоамиз аъзоси Александр Гейнрихга ҳужум чизиғида яна бир рақобатчи топилди. Эслатиб ўтамиз, "Актобе"да Гейнрихдан ташқари яна бир ҳамюртимиз Темур Кападзе ҳам ҳаракат қилади.

Маълумот ўрнида
Данило Монтечино Неко
Туғилган йили ва манзили 1986 йил 27 январь, Мирандополис, Сан-Паулу, Бразилия
Фуқаролиги: Бразилия, Португалия
Амплуаси: ҳужумчи
Бўйи - 174 см, Вазни - 70 кг.
Ўйнаган жамоалари:
2004-2011 - «Понте-Прета» (Бразилия)
2010 - «Чеджу Юнайтед» (Ж.Корея, ижара асосида), - 29та ўйинда 6та гол. Корея К-лигаси кумуш медал совриндори.
2011-2013 - «Алания» (Владикавказ). 57та ўйинда 15та гол. Россия Кубоги финалчиси.
2014 йилдан «Актобе»да.

Ҳавола :

Манба : championat.asia

Янгиликларни Телеграмда ўқинг!

Рейтинг: