Гаттузо: "Агар имкони бўлганда, Гонсалони уйимдаги хонага қамаб қўйган бўлардим"

"Бизда жуда тўғри муносабат йўлга қўйилган. Ҳаммасини рост ва бевосита гапирамиз. Футболчи аниқ бир қарорга келса, уни орқага қайтариш қийин бўлади. Ҳозир Игуаин - "Милан" ўйинчиси. Лекин, нима бўлишини мен ҳам билмайман. Биз бир-биримизга жуда тўғри сўзлаймиз. Мен шундай муносабатни бундайн кейин ҳам сақланиб қолишини хоҳлайман.

Гонсало билан кўп гаплашдим. Бироқ, маслаҳат бериш қийин. Чунки, футболчининг фаолияти 13-14 йил давом этади. Қарор қилиш унга муҳим, менга эмас. Игуаин норози кўринмаяпти. Кийим алмаштириш хонасидаги муҳит унинг эътиборини тортади. Ҳаммаси менинг қўлимда бўлганда, уйимга таклиф қилардим ва хонада устидан қулфлаб, ҳар икки-уч соатда овқат олиб кириб турган бўлардим", — дея Гаттузонинг сўзларини келтирди Football Italia нашри.

Аввалроқ, Игуаинга "Челси" жамоасидан қизиқиш бўлаётганди.