Гарет Саутгейт: «Руни ҳали терма жамоадан буткул кетгани йўқ»
26 мар 2017 13:31
Янгиликлар

Гарет Саутгейт: «Руни ҳали терма жамоадан буткул кетгани йўқ»

Англия терма жамоаси бош мураббийи Гарет Саутгейт «Манчестер Юнайтед» ҳужумчиси Уэйн Руни ҳақида гапириб ўтди.

31 ёшли футболчи жароҳати боис терма жамоага чақирилмади.

«Уни ҳисобдан чиқарганим йўқ. Руни ҳали хайрлашув ўйинини ўтказмайди. Унинг терма жамоадаги фаолияти тугади дейишга ҳали эрта.

Жароҳат боис 9 нафар футболчимиз сафдан чиққан: Кейн, Роуз ва Руни кабилар ҳам бор. Аммо бу муаммо эмас. Булар соғ бўлишганида термага чақирув олишарди», – дейди Саутгейт.

Руни – айни пайтда 53та гол билан Англия терма жамоасининг энг яхши тўпурари бўлиб турибди.