Галлас Моуриньони "Челси" футболчилари шахсий ҳаётига аралашишда айблади

"Биз "Мидлсбро"га қарши ўйнадик, жароҳат олдим. Кейинги кун Моуриньо билан учрашишимиз керак эди. Мураббий ҳаммани танқид қила бошлади. Мағлубиятдан хафа эди. Бир пайт у ўзи учун ўғлидек бўлиб қолган Лэмпардни танқид қилди. Кулиб юбордим, Жозе ортимда эди. Кейин у менга ўгирилди ва шундай деди: "Вильям, куляпсанми?". Мен йўқ дедим.

У давом этди: "Сен айни дамдаги энг яхши футболчилардан бирисан, аммо майдондан ташқаридаги ҳаётингни тузатишинг керак". У нимани назарда тутганини сўрадим. "Жуда кўп сайр қиласан" - деди Моуриньо. Буни қаерда билишини сўраганимда, у қуйидагича жавоб қайтарди: "Кўрамиз, 10 кундан кейин "Барселона"га қарши ўтадиган баҳсга тайёр бўларкансанми". Моуриньога мендан ҳавотир олмаслигини айтдим. Шундан сўнг ҳар куни 3 мартадан машғулот ўтказишни бошладик" - дейди Галлас.