Saytimiz orqali ushbu mavsumda paxta yig'im- terim ishlarida qatnashgan futbol klublari haqida xabar bergan edik.
Jizzax viloyatini sharafini birinchi liga doirasida himoya qilayotgan “G'allaorol” jamoasi a'zolari ham paxta yig'im- terimiga o'z hissalarini qo'shishdi.
“Biz ommaviy axborot vositalari orqali yurtimiz futbol jamoalari paxta yig'im-terimida faol ishtirok etayotgani haqida tanishib borayotgan edik. Yuzaga kelgan bo'sh vaqtdan unumli foydalanib, jamoamiz murabbiylari va futbolchilari bilan birgalikda paxta-yig'im terimida ishtirok etish tashabbusi bilan chiqdik.Biz ham bugun yurtimiz paxta xirmoniga oz bo'lsa ham o'z xissamizni qo'shganimizdan xursandmiz ”-deydi “G'allaorol” futbol klubi vakili Elbek Imomnazarov.
Dildora Xolboeva tayyorladi
