Futzal. "Maksam-Chirchiq" O'zbekiston kubogi sohibi

Narzulla Saydullayev
28 mar 2014, 08:28
27 mart kuni futzal bo'yicha O'zbekiston kubogi finali bo'lib o'tdi.
Unda "Maksam-Chirchiq" (Chirchiq) va "Do'stlik-AIN" (Qarshi) jamoalari o'zaro kurash olib borishdi. Bu haqda O'FFning tvittyerdagi rasmiy sahifasi xabar berdi.

Qiziqarli kechgan uchrashuvda chirchiqliklar g'olib bo'lishdi.

O'zbekiston kubogi. Final
"Maksam-Chirchiq" - "Do'stlik-AIN" 4:2
Gollar:
Tojiboev 11, Umaraliev 13, Ahmedov 27, 38 - Ibragimov 4, Baratov 35

Takidlash lozimki, bu o'yin "Maksam-Chirchiq" sardori Bahodir Ahmedov uchun o'yinchilik faoliyatidagi so'nggi sovrin bo'ldi. Ahmedov faoliyati davomida 9 karra O'zbekiston chempioni va 8 karra O'zbekiston kubogi sohibiga aylangan. U futzal bo'yicha O'zbekiston chempionatlarining barchasida ishtirok etgan.

Endi Bahodir Ahmedov O'zbekiston milliy terma jamoasi bosh murabbiyi sifatida ishini davom ettiradi.

Narzulla SaydullayevMuallif
Manba: championat.asia