Футзал: Клублар ўртасидаги Осиё Чемпионати иштирокчилари сони кенгайтирилади
03 июн 2014 11:00
Янгиликлар

Футзал: Клублар ўртасидаги Осиё Чемпионати иштирокчилари сони кенгайтирилади

Футзал бўйича клублар ўртасида Осиё Чемпионати иштирокчилари сони 2015 йилги мусобақадан бошлаб 12тани ташкил этади.

Бу ҳақдаги қарорни ОФК Футзал Қўмитаси эълон қилди.

Қўмита тасдиқлаган янги қарорга кўра, футзал бўйича клублар ўртасидаги Осиё Чемпионати баҳслари аввалгидек ҳар икки йилда эмас, балки ҳар йили ўтказилиши белгиланди. Осиё Чемпионати финал босқичи иштирокчилари сони ҳам 8тадан 12тага кенгайтирилди. Мазкур ўзгаришлар 2015 йилги мусобақадан бошлаб кучга кириши тасдиқланди.

Эслатиб ўтамиз, футзал бўйича клублар ўртасидаги 2014 йилги Осиё Чемпионати баҳслари шу йилнинг 25-30 август кунлари Хитойнинг Ченджу шаҳрида бўлиб ўтади. Махкур Осиё Чемпионтида Тошкентнинг «Локомотив» клуби Ўзбекистон шарафини ҳимоя қилади. Қуръа натижаларига кўра, «Локомотив» мусобақанинг «А» гуруҳида Хитойнинг «Шенчжен Нанлинг», Япониянинг «Нагоя Оушенс» ва Австралиянинг «Вик Вайперс» клубларига қарши баҳс олиб боради.

Ҳавола :

Манба : the-uff.com

Янгиликларни Телеграмда ўқинг!

Рейтинг: