Футзал бўйича Ўзбекистон терма жамоаси Непалга қарши оқ рангдаги либосда ҳаракатланади
09 апр 2022 20:38
Янгиликлар

Футзал бўйича Ўзбекистон терма жамоаси Непалга қарши оқ рангдаги либосда ҳаракатланади

Бу ҳақда ЎФА матбуот хизмати хабар қилди.

"Эртага футзал бўйича Ўзбекистон миллий терма жамоаси Осиё кубоги саралаш босқичидаги юришини Непал жамоасига қарши ўйин билан бошлайди.

Учрашувда футзалчиларимиз тўлиқ оқ либосда майдонга тушади. Дарвозабонимиз эса қора либосда ҳаракат қилади", – дейилади ЎФА хабарида.

Учрашув Тошкент вақти билан соат 10:00 да старт олади.

Аввалроқ Ўзбекистон футзал терма жамоаси Осиё чемпионати саралашида қатнашиш учун Қирғиз Республикасининг Бишкек шаҳрига жўнаб кетгани ҳақида хабар бергандик.

Эслатиб ўтамиз, қуръа натижаларига кўра, Ўзбекистон гуруҳ босқичида Тожикистон, Афғонистон ва Непал терма жамоалари билан кураш олиб боради. Учрашувлар 12 апрелга қадар давом этади.

Ҳавола :

Манба : ЎФА матбуот хизмати

Янгиликларни Телеграмда ўқинг!

Рейтинг: +5