Футзал бўйича Ўзбекистон миллий терма жамоаси Индонезияда ўтадиган халқаро мусобақага йўл олди
02 сен 16:35
Янгиликлар

Футзал бўйича Ўзбекистон миллий терма жамоаси Индонезияда ўтадиган халқаро мусобақага йўл олди

Октябрда бўлиб ўтадиган футзал бўйича Осиё чемпионати-2020 саралаш баҳсларига ҳозирлик олиб бораётган Ўзбекистон миллий терма жамоаси 29 август – 1 сентябрь кунлари Россиянинг Нижний Новгород шаҳрида ўтказилувчи “Чкалов Кубоги” мусобақасида иштирок этганидан хабарингиз бор.

Баҳодир Аҳмедов бошчилигидаги футзал бўйича Ўзбекистон миллий терма жамоаси сентябрь ойида яна бир халқаро турнирда қатнашади. 4-8 сентябрь кунлари Индонезияда 4 та терма жамоа иштирокида халқаро мусобақа бўлиб ўтади. Унда ғолиблик учун Индонезия, Ироқ, Хитой Тайпейи ҳамда Ўзбекистон терма жамоалари баҳс олиб боришади.

Мусобақа тавқими:

6 сентябрь
Ироқ – Ўзбекистон

7 сентябрь
Индонезия – Ўзбекистон

8 сентябрь
Ўзбекистон – Хитой Тайпейи