UZ

Сўнгги янгиликлар

08:50Пролига. Бугун 4-тур давом эттирилади  0 08:22ЦСКА Файзуллаевга нарх белгилади  6 07:54Суперлига. Бугун 7-турга старт берилади  3 07:26«Атлетико» «Реал»нинг кечаги ҳаракатларига кескин муносабат билдирди  11 06:52«Навбаҳор» стадионига янги раҳбар тайинланди  2 01:47Франция. ПСЖ мавсумдаги илк мағлубиятини қабул қилди  5 01:13"Реал" финалга боради, ўйин бекор қилинмайди  32 00:51Флик: "Ҳакамларни нафақат ҳурмат қилиш, балки, қадрлаш ҳам керак"  17 00:15Хавьер Тебас: "Перес шикоят қилмайди, таҳдид қилади"  17 23:44Элит ОЧЛ. "Ал Ҳилол" Жанубий Корея жамоасига 7та гол урди ва ярим финалга йўл олди  12 23:17"Реал"дан расмий баёнот: "Буни қабул қилиб бўлмайди"  16 23:01RFEF ҳакамлар борасида расмий маълумот чиқарди  27 22:46НИМА? "Реал" финалда иштирок этмаслиги мумкин  31 22:27БУМ! "Реал" финал олдидан бўладиган барча тадбирларни бекор қилди. Бу бойкотми?  32 22:13"Барселона" - "Реал" ўйини бош ҳаками финал олдидан матбуот анжуманида йиғлаб юборди  18

Футзал. Абдулла Бўриев: "Ўзбекистон терма жамоаси аввалги натижасини яхшилашига умид қиламан" Янгиликлар

Футзал. Абдулла Бўриев: "Ўзбекистон терма жамоаси аввалги натижасини яхшилашига умид қиламан"

Ўзбекистон футзал терма жамоаси собиқ ўйинчиси Абдулла Бўриев юртимизда бўлиб ўтадиган Жаҳон чемпионати олдидан фикрларини билдирди.

"Жаҳон чемпионатини Ўзбекистонда ўтаётгани билан чин қалбимдан табриклайман. Бу жуда катта воқеа ҳисобланади. Мундиалда учинчи маротаба иштирок этамиз. Бу аввалгиларидан аҳамиятлиси мезбон эканлигимизда. Футзалчиларимиз мухлислар қаршисида тўп тепишади. Боз устига кетма-кет узлуксиз бу мусобақада иштирок этиб келяпмиз. 

Хосе Венансио Лопес бошчилигида Осиё чемпионатида иштирок этиб келишди. Кўриндики, Эрон ҳам таркибида ўзгаришлар қилди. Бу таркиби бўшроқдек таассурот қолдирди. Бизнинг жамоа ёмон ўйин кўрсатгани йўқ. Янги мураббий кўпроқ ёшларга урғу берди. Чемпионатимизни кузатди ва ўзига ёққан таркибни йиғди. Афсуски, жароҳатдан ҳеч ким кафолатланмаган. Бу омил ўз сўзини айтмасдан қолмайди. Мураббийнинг тактикаси бошида кўпроқ прессинг қилиш эди. Энди балки жароҳатлар кўпайганиданми, тактика ўзгарди, кўпроқ ҳимоя ва стандарт вазиятга эътибор қаратмоқда. Нимадир олиб кирди, аммо кам деб ўйлайман. 

Жаҳон чемпионатидаги имкониятларимизни ўртача деб ўйлайман. Таркибимиз оптимал ҳолатда эмас. Агарда акси бўлганида юқорироқ баҳолаш мумкин эди. Бу сафар аввалги натижани такрорласак керак. Умид қиламанки, йигитлар натижани яхшилашади.

Аввалги Жаҳон чемпионатида Анасхон, Ихтиёр ўзини кўрсатган. Айни пайтда таркибда ёшлар кўп. Ажралиб тураётгани Аброр деб ўйлайман. Жароҳат сабаб таркибга кира олмаётган Музаффар Ахаджоновни ҳам айтган бўлардим. 

Фаворитлар футболда бўлгани каби Бразилия, Испания, Аргентина, Португалия. Терма жамоамизнинг Бразилия билан ўйинини томоша қилдим. Йигитлар ҳали оптимал спорт формада эмас. Терма жамоамизга омад тилайман",- дейди Абдулла Бўриев.

Рейтинг:    

Фикрлар

championat.asia
< сўнгги янгиликларни кўриш
Яндекс.Метрика