Yarim himoyachi Frenki de Yong o'tgan mavsum oxirida o'z terma jamoalarida o'ynagan boshqa futbolchilar qatori kataloniyaliklar tarkibida paydo bo'ldi. Ularning barchasi bugun "Barselona"da 2022/2023 yilgi mavsumga tayyorgarlikni boshladi.
Eslatib o'tamiz, avvalroq de Yong "Manchester Yunayted"ga o'tmoqchi emasligi haqida xabar berilgandi.
Niderlandiyalik yarim himoyachining "Barselona" bilan amaldagi shartnomasi 2026 yilning 30 iyuniga qadar mo'ljallangan. U oldingi mavsum Primerada 32 ta uchrashuvda maydonga tushib, 3 ta gol urgan va 3 ta golli uzatmani amalga oshirgan.
