Фред: "МЮ совринга даъво қилиш учун "Тоттенхэм"ни мағлуб этиши керак"
24 авг 2018 19:47
Янгиликлар

Фред: "МЮ совринга даъво қилиш учун "Тоттенхэм"ни мағлуб этиши керак"

"Манчестер Юнайтед" ярим ҳимоячиси Фред АПЛ навбатдаги турида "Тоттенхэм"ни енгиш шарт эканлигини айтиб ўтди.

"Бу жуда муҳим ўйин. Агар соврин учун курашмоқчи бўлсак ғалаба қозонишимиз керак. Охирги баҳсда "Брайтон" биздан яхши бўлди ва 3 очкони қўлга киритди. Премьер-лигада кучли жамоалар кўп. Шунга қарамай, биз пойгада қолишимиз керак.

Моуриньо билан ишлаётганимдан хурсандман. У ажойиб инсон, доим жамоа билан суҳбатлашади, ўйинчиларга ёрдам беради. Умид қиламан, бизнинг ҳамкорлик давом этади. МЮ билан совринлар ютишни истайман. Режаларим улкан, клубда ўз номимни қолдиришни хоҳлайман", - деди Фред.