Франсиско Араухо: "Сўнгги сонияларда гол ўтказиб юборганимиз аламли бўлди"

- Биз биринчи ва иккинчи бщлимни бир-бирига солиштирадиган бўлсак, ҳар хил таймларни ўтказдик. Биринчи таймда жамоам жуда бўш ўйин кўрсатди. Иккинчи бўлимда эса ўзимизга келдик ва бир қатор вазиятлар яратдик. Лекин баҳснинг сўнгги сонияларида қўпол хато эвазига ғалабани қўлдан чиқардик. Ўйин давомида иккита ғалати гол қўйиб юбордик. Мен фаолиятим давомида умуман бу каби голни кўрмаганман. Бу каби катта мусобақада бундай кулгули голларни ўтказиб юбормаслигимиз лозим", - деди Ливан терма жамоаси бош мураббийи Франсиско Араухо.

- Иккинчи бўлимда кучли ўйнадик дедингиз. Танаффусда футзалчиларга нималар дедингиз?

- Мен уларга фақатгина ўзларизга ўхшаб ўйнанглар, футзалдан лаззат олиб ҳаракат қилинглар дедим. Биринчи таймда шогирдларим бироҳ ҳаяжонланиб ўйнашди ва шунинг учун дастлабки бўлимни кўнгилдагидек ўтказа олмадик. Биз Осиё чемпионатида юқори савияда ўйнашимиз зарур. Чунки катта турнирда муносиб ўйнаш керак. Биринчи бўлимда ҳам иккинчисидаги каби ўйнаганимизда ўзимизга керакли натижани қайд этардик деб ўйлайман. Сўнгги сонияларда ўтказиб юборган голимиз жуда қаттиқ ранжитди. Бу ҳолат барчамизга алам қилди.

- Ўзбекистон - Қирғизистон учрашувида кимга мухлислик қиласиз?

- Мен Ливанни қўллаб-қувватлайман ва шу жамоа ҳақида қайғураман. Ҳали гуруҳдаги вазият ҳақида гапиришга эрта.