Франция президентининг турмуш ўртоғи Дидье Дешамга кутилмаган савол берди
24 янв 15:41
Янгиликлар

Франция президентининг турмуш ўртоғи Дидье Дешамга кутилмаган савол берди

Аёлларнинг футболга у қадар қизиқмаслигининг оқибати бу.

Франция президенти Эммануэль Макроннинг турмуш ўртоғи Брижит хайрия тадбирларидан бирида Дидье Дешамдан нима учун "Реймс" ҳужумчиси Жунья Итони Франция терма жамоасига чақирмаяпсиз деб сўради. Дешам кулиб қисқа жавоб берди: "Чунки у япониялик".

Маълумот учун, 30 ёшли Ито бу мавсум "Реймс" сафида 17та ўйинда майдонга тушиб 2та гол урди ва 4та голли узатмани амалга оширди. Футболчи айни пайтда Япония миллий терма жамоаси сафида Қатардаги Осиё кубогида иштирок этмоқда. Умумий ҳисобда Ито терма жамоаси сафида 53та ўйинда майдонга тушиб, 13та гол урган ва 17та голли узатма берган.