ФОТОМАҚОЛА. "Темирйўлчилар" Муборакнинг "газ"ида "ёниб" кетишларига бир баҳя қолди

"Локомотив" стадионида ўтган учрашув 1:1 ҳисобидаги дуранг билан ниҳоясига етди. Қуйида ана шу беллашувдан фотомақолани эътиборингизга ҳавола этамиз.

"Машъал"нинг бошланғич таркиби.

"Локомотив"нинг бошланғич таркиби.

"Локомотив"нинг деярли барча уй учрашувларига тушишни канда қилмайдиган мухлисалар.

Кечаги учрашувни "Пахтакор" билан музокара олиб бораётган австралиялик ярим ҳимоячи Ростин Гриффитс (ўртада) ҳам бевосита стадиондан кузатиб борди. Чап томондаги кўзойнак тақиб олган инсон эса "Пахтакор"нинг венгриялик фитнес мураббийи Ласло Ямбор.

Кеча "Локо"нинг иккита голи инобатга олинмади. Биринчисида Бикмаев тўпни дарвозабоннинг устидан ошириб гол урган вазиятда ўйиндан ташқари ҳолатда қолиб кетган бўлиб чиқди. Иккинчисида эса Махарадзе боши билан тўп киритишдан олдин рақибга қўполлик ишлатди деб баҳоланди.

Сўнгги пайтларда формага кириб олган Садриддин Абдуллаев асосий таркибда мунтазам тушмоқда.

Футболчилар натижа учун бир-бирларини аяшмади.

Кечаги ўйиннинг асосий қаҳрамонларидан бири "Машъал" посбони Жавоҳир Илёсов бўлди. У камида 3 маротаба жамоасини муқаррар голлардан қутқариб қолди.

Илёсов Бикмаевнинг жуда яқин масофадан берган зарбасини қайтарган вазият.

Ўша вазиятдан кейин Маратнинг реакцияси.

Абдуллоҳ Олимовдан супер гол. Голни нишонлаётган 4 нафар ўйинчига эмас, орқа фонда Искандар Шойқуловнинг голга  реакциясига эътибор беринг.

Олимовнинг қайчи услубида киритган супер голига "Машъал" захирасидаги ўйинчининг реакцияси Шойқуловникидан кам бўлмади.

Садриддин Абдуллаевнинг голи фақатгина ҳисобни тенглаштиришга хизмат қилди. Ғалаба учун эса яна битта тўп киритиш керак эди.

Финал хуштаги чалиниши билан олинган кадр.

Чиройли гол керак бўлса қўнғироқ қиларсиз...

"Локомотив" - "Машъал" (1:1) учрашувидан тўлиқ фотогалереяни сайтимизнинг махсус бўлими орқали томоша қилишингиз мумкин. >>> ФОТОГАЛЕРЕЯ

Толибжон Қосимов