Флик ва Деку Леау трансферига ишонишмаяпти, аммо Лапорта уни сотиб олмоқчи

Каталония клуби устози Ханс-Дитер Флик ёзда Ансу Фати ўрнига топ футболчини олиб келмоқчи.

"Барселона" ўтган йилдан бери Нико Уильямс ва Рафаэл Леауга қизиқиш билдираётганди. Клуб президенти Жоан Лапорта доимо "Милан" футболчисини харид қилишни қўллаб-қувватлаган. Мансабдорнинг Жорже Мендеш билан муносабатлари яхши ва агент ушбу трансферга таъсир ўтказиши мумкин.

Футболчининг юқори трансфер нархи вазиятни оғирлаштирмоқда. Бундан ташқари, Ханс-Дитер Флик ва спорт директор Деку бу трансферга шубҳа билан қарашяпти. Улар Рафаэлни яхши футболчи деб ҳисоблашади, аммо унинг ўзини тутиши борасида ҳавотирлар бор.

Харид борасида якуний қарор қабул қилингани йўқ.