Флик "Барселона"га "Байер" ҳимоячисини олиб келмоқчи

"Барселона" клуби бош мураббийи Ханси Флик жамоада "Байер" ҳимоячиси Жонатан Тани кўрмоқчи. Танинг амалдаги шартномаси 2025 йилгача мўлжалланган. Ҳимоячининг ўзи клуб билан янги шартнома имзолаш ниятида эмаслигини маълум қилганди.

"Байер" Та учун 15 млн евро талаб қилмоқда. "Байер" тез орада футболчини қиш ёки ёзда сотиш бўйича қарор қабул қилади. 

Ҳозирда Жонатан Та "Бавария" ва "Барселона" билан музокаралар олиб бормоқда. Мюнхенликлар футболчини ёзнинг ўзидаёқ таркибларига қўшиб олишмоқчи эди, аммо бунинг иложи бўлгани йўқ. Ханси Флик эса Тани Германия терма жамоасидаги ўйинларидан яхши билади. Флик уни ўз услубига мос ҳимоячи сифатида кўрмоқда ва Жонатанни "Барса" билан шартнома имзолашга кўндириш ниятида. 

Маълумот учун, аввалроқ, Та Италия А Сериясида ўйнаш ниятида эмаслигини сабаб "Интер" ва "Ювентус" берган таклифни рад этганди.