Фирмино учун янги чақириқ: Туркия клуби расмий таклиф билан чиқди
23 июн 21:15
Янгиликлар

Фирмино учун янги чақириқ: Туркия клуби расмий таклиф билан чиқди

"Ал Аҳли" ҳужумчиси Роберто Фирмино Европа клублари эътиборига тушди.

Бразилиялик футболчининг "Ал Аҳли" билан амалдаги шартномаси 1 йилдан кейин тугайди, бироқ футболчи шу йилнинг ёзида Саудия Арабистонини тарк этиши мумкин. Инсайдер Экрем Конурнинг хабар беришича, Туркиянинг "Бешиктош" клуби "Ливерпул"нинг 33 ёшли собиқ футболчиси учун расмий таклиф тайёрламоқда.

Роберто Фирмино 2023 йилдан буён "Ал Аҳли"да ўйнаб келмоқда. Ҳужумчи ўтган мавсум жамоа сафида 31 ўйинда майдонга тушиб, 12 та тўп киритган ҳамда 10 та голга ассистентлик қилганди. Transfermarkt портали бразилиялик футболчининг нархини 5 миллион еврога баҳоламоқда.

Ҳавола :

Манба : x.com/Ekremkonur

Янгиликларни Телеграмда ўқинг!

Рейтинг: +2