UZ

Сўнгги янгиликлар

08:12Аморим кечаги мағлубиятдан сўнг нималар деди?  7 07:45Sofascore. Финални энг ёмон ўйинчиси ким бўлди?  1 07:17Европа лигаси. Финалнинг учрашувнинг "man of the match"и маълум  11 01:59"Тоттенхэм" "Манчестер Юнайтед"ни мағлуб қилиб, Европа лигасида ғолиб чиқди! Энди лондонликларда ҳам соврин бор!  95 01:58"Сирдарё ФА" бош мураббийи Аббос Махсталиев: "Мақсадимиз – академия ёшларига имконият бериш"  4 00:44"Локомотив" "Бунёдкор"ни мағлуб қилса ҳам гуруҳда қолиб кетган ўйиндан ГАЛЕРЕЯ  0 00:37Саудия Арабистони. "Ал Насср" ғалаба қозонди, Роналду 935-голини урди  8 00:32Эндрик жароҳати туфайли Клублар ўртасидаги жаҳон чемпионатини ўтказиб юборади  1 00:05Илёс Зейтуллаев: "Футболда ғалабадан кўра, мағлубият кўпроқ сабоқ беради"   0 23:35Кейн Бундеслиганинг энг яхши футболчиси деб топилди  2 23:05Григорий Колосовский: "Ғалаба бор, лекин гуруҳ босқичида тўхтадик"  0 22:38Расман: Флик "Барселона" билан шартномасини узайтирди  3 22:09Никола Лазаревич: "Бугунги ўйинда футболчиларимнинг ҳаракатларидан кўнглим тўлди"  1 21:45Баҳром Ҳайдаров: "Ҳар бир жамоага ҳурмат билан қараймиз"  0 21:24Ўзбекистон кубоги плей-офф босқичининг барча иштирокчилари аниқ. Қуръа қачон ўтказилади?  5

Финал-2021. Рўзиқул Бердиев: "Марко ва Драган келишиб олган шекилли" - "Насаф" вакиллари иштирокидаги ўйинолди матбуот анжумани Янгиликлар

Финал-2021. Рўзиқул Бердиев: "Марко ва Драган келишиб олган шекилли" - "Насаф" вакиллари иштирокидаги ўйинолди матбуот анжумани

2021 йилги Ўзбекистон кубоги финалидан олдин "Насаф" вакиллари иштирокидаги ўйинолди матбуот анжумани бўлиб ўтди.

 


"Ассалому алейкум. Қизиқ ҳолат, "Пахтакор" билан мавсумни бошлаб, бирга якунламоқдамиз. Бу икки жамоанинг савияси яхши эканлигидан далолат. Рақибга ортиқча таъриф бермаймиз. Таркибида юқори даражадаги футболчилар бор. Жисмоний ва руҳий тайёргарлигимиз яхши. Ғалаба учун майдонда боримизни беришимиз талаб этилади",- дейди Рўзиқул Бердиев.

Ҳусайин Норчаев - Яхши тайёргарлик кўрдик. Мухлисларни хурсанд қиладиган натижа қайд этишга ҳаракат қиламиз. Кайфиятимиз аъло даражада.

Ойбек Бозоров - Финалга яхши кайфиятда етиб келдик. Суперлига якунлангач ҳордиқ чиқариш имкони бўлди. Ҳамма шай ҳолатда. Марко Станоевич ва Жўрабек Манноновдан бошқа йўқотишлар йўқ.

- Икки жамоа таркибидаги йўқотишлар сифатли футбол кўрсатишга қай даражада таъсир қилади?

- "Пахтакор" ва "Насаф"да ёш футболчилар кўп. Уларга имконият берилади. Сифатни кўрсата олмасада, шижоат ва мотивация намоён бўлади. Икки жамоа ҳам қизиқарли ўйин кўрсатади, деб ўйлайман. Биз йўқотишлар ўрнини тўлдирадиган футболчиларга эгамиз.

- "Насаф" жорий мавсум жуда муҳим ўйинларда гол ўтказиб юборгач қайтишга қийналди. Бунга жамоа тайёрми?
- Ўзбекистон клублари ичида энг кўп расмий ўйинда майдонга тушдик. Мавсум бошида  олдимизга жиддий мақсад қўйилмаган, таркибда йўқотишлар кўп эди. Бироқ ўз ўйинимизни йўқотмадик. Ёшлар билан кетганларнинг ўрнини тўлдирдик. Иккита фронтда финалдамиз. Гол ўтказганда эмас, гол уриб ҳам рақибга имконият бериб қўймоқдамиз. Балки тажрибали футболчилар етишмаслиги панд бераётгандир. Ҳар ўйинда буни бартараф этишга ҳаракат қилмоқдамиз.

- "Пахтакор"да Драган Черан, "Насаф"да Марко Станоевич ўйнамайди. Уларнинг қайси бири жамоалари учун жидди йўқотиш?

- Менимча бир ҳил ҳолатда бўлсак керак. Уларнинг иккиси ҳам жамоа етакчилари. "Сўғдиёна" билан ўйиндан сўнг Марко Драганникига бориб келай деганди, иккиси финалда ўйнамайлик, деб келишиб олган шекилли. Албатта бу ҳазил. Марко финалда ўйнашни жуда истаганди.

- Икки жамоадаги йўқотишлар ҳисобга олсак, "Пахтакор"ни ниманинг эвазига мағлуб этилиши мумкин?

- "Пахтакор" билан ўтказган ўйинларимизни таҳлил қилдик. Ҳеч бир тўқнашувда ўйин бўйича ютқазмаганмиз. Эртага ким кўпроқ хато қилса ўша жамоа мағлубиятга учрайди. Фикримча тартибли ўйин билан ютишимиз мумкин. Балки индвидуал ҳаракатлар эмас, жамоавий ўйин асосий планга чиқади. 

- Ҳар мавсум якунида кўп жамоалардан "Насаф" футболчиларига таклифлар келиб тушади. Ҳозирги шароитда футболчиларни сақлаб қолиш имконияти қандай?

- Кейинги йилги режалар ҳар йилгига қараганда яхшироқ. Таркибимизни савияли футболчилар билан кучайтира олсак жиддий мақсадлар қўйилиши мумкин. Йигитларнинг кўпига таклиф бўлиши табиий, ўртадаги агентлар кўп мурожаат қилмоқда. Бу табиий ҳол. Кучли клублардан таклифлар бўлса, раҳбарият кўриб чиқади.

- Эртага "Насаф" ғалаба қозонса, ОЧЛга йўлланма олади. Бундай баҳсларда хоҳиш гоҳида фойда ёки зарар келтириши мумкин?

- Ортиқча тайёргарлик ҳам ёмон оқибатларга олиб келиши мумкин. Йигитлар бу йил руҳий томондан ўсишди. Турнирларда қайсидир паллада 2:0 ютаётганимизда дуранг бўлиб қолди. "Локомотив" билан ўйинда ютишни истагандик. Бу ўйинга яхши ҳолатда келмагандик. Чемпионатда совринли ўринларни эгаллашимиз керак эди. Бутун мавсум давомида ОЧЛга йўлланма олишимиз керак деган йигитлар билан ўзаро келишувимиз бор. Йигитлар масъулиятни яхши ҳис қилиб турибди. Бир йил давомида катта меҳнат қилишди. Бунинг самарасини кўриш вақти келди. 

- Сўнгги икки мавсумда ўйинингиз очилганди. 2021 йилги пасайиш нима билан боғлиқ?

Ойбек Бозоров - Билмадим. Ярим ҳимоячилардан кўпроқ голларга ассистентлик қилиш, вазиятлар яратиш талаб қилинади.  Балки кам гол урганим учун шундай туюлган бўлса керак. Умуман олганда ўйиним ўтган йилгига қараганда ўзимга ёқди. Эртага биз ўз уйимизда ўйнагандек ҳаракат қиламиз. Мухлисларимиз ҳам кўпроқ бўлади. 



Рейтинг: +19   

Фикрлар

championat.asia
< сўнгги янгиликларни кўриш
Яндекс.Метрика