Филиппо Инзаги якунланаётган йилнинг энг яхши мураббийи ва ҳужумчиси ким эканлигини айтди
31 дек 2020 00:31
Янгиликлар

Филиппо Инзаги якунланаётган йилнинг энг яхши мураббийи ва ҳужумчиси ким эканлигини айтди

"Беневенто" устози Филиппо Инзаги 2020 йил якунлари ҳақида фикр билдирди ва кимни тугаётган йилнинг энг яхши мураббийи ва ҳужумчиси деб билишини маълум қилди.

"Бу йилни унутиш қийин бўлади. Майдонда ҳаммаси жойида бўлса, унинг ташқариси даҳшатга тўла эди.

Мен ҳамкасбларимни алоҳида қайд этмоқчиман. Стефано Пиоли ва укам Симоне Инзаги ўзларини жуда яхши кўрсатишди. "Милан" жароҳатларга қарамай, ғалаба қозонишда давом этмоқда ва А Серия жадвалида пешқадамлик қиляпти. Агар менинг "Беневенто" клубим "Лацио"га қарши ўйнаса, бу шунчаки икки ака-ука ўртасидаги ўйин бўлмайди. Биз бутун 90 дақиқа давомида рақиб бўламиз.

Мен Чиро Иммобилени ниҳоясига етаётган йилнинг энг яхши форварди деб атамоқчиман", – дея Инзагининг сўзларини келтиради Football Italia.

Ҳавола :

Манба : Football Italia

Янгиликларни Телеграмда ўқинг!

Рейтинг: +6