ФИФА Неймарнинг жароҳати учун «Барселона»га 238 минг евро тўлайди
10 июл 2014 08:22
Янгиликлар

ФИФА Неймарнинг жароҳати учун «Барселона»га 238 минг евро тўлайди

Бразилия терма жамоаси ҳужумчиси Неймар футбол бўйича ЖЧ-2014 давомида жароҳат олгани сабаб, ФИФА футболчининг клуби – «Барселона»га ҳар куни 13 минг 972 евродан компенсация пули тўлайди.

ФИФАнинг Клублар манфаатини ҳимоя қилиш дастури қоидаларига асосан, ФИФА футболчининг жароҳати учун компенсация пулини Неймар туриб қолган даврнинг 28 кунидан, яъни, 2 августдан бошлаб тўлашни бошлайди.

Бразилия терма жамоаси шифокори Хосе Луиз Рунконинг сўзларига кўра, Неймарнинг тикланиши учун 45 кунга яқин вақт керак.

Шундай қилиб, ФИФА Каталония клубига тўлайдиган компенсация пули миқдори тахминан 238 минг еврони ташкил этади, дея хабар бермоқда Marca нашри.

Ҳавола :

Манба : kun.uz

Янгиликларни Телеграмда ўқинг!

Рейтинг: