Унга кўра, ФИФА Бутун Ҳиндистон футбол федерациясини уларнинг ишларига учинчи ташкилотлар аралашгани туфайли дисквалификация қилди.
Мамлакатдаги барча жамоалар халқаро мусобақалардан четлаштирилади. Масалан, жануби-ғарбий зона ғолиби билан тўқнаш келиши керак бўлган “Мохун Баган” ОФК Кубоги ярим финалида қатнашолмайди.
“Керала” аёллар жамоаси клублар ўртасидаги Осиё чемпионатида иштирок этолмайди ва Ғарбий гуруҳда фақатгина 2 иштирокчи – “Сўғдиёна” ва “Бам Хатун” (Эрон) қолади.
Ваниҳоят, Ҳиндистон 11-30 октябрга режалаштирилган 17 ёшгача аёллар ўртасидаги мундиалга мезбонлик қилолмайди.
